O MUNDO DE OLIREI E MAIS EU

Hoxe no centro conmemoramos o DÍA DA ELIMINACIÓN DA VIOLENCIA DE XÉNERO. O acto consistiu na lectura dun poema que traballamos previamente nas aulas e co cal fixemos un caligrama. Este caligrama formará parte da exposición "Mulleres importantes da nosa vida" organizada polo equipo de Dinamización da Lingua e o equipo de Convivencia do centro. A exposición poderá visitarse durante esta semana no ximnasio do colexio. As familias poderán visitala o martes pola tarde e o xoves pola mañá no horario establecido.

O noso cole acaba de ser elexido como un dos centros galardoados no VI CONCURSO DE TRABALLOS POR PROXECTOS BAIXO A COORDINACIÓN DA BIBLIOTECA ESCOLAR na modalidade de proxectos de investigación intercentros polo noso proxecto do curso pasado XOGAMOS?, que fixemos en colaboración co CEIP de Leirado. A cuantía do premio será destinada ás necesidades da biblioteca escolar para disfrute do noso alumnado. Resolución do VI concurso de traballos por proxectos