Este curso, o Día do Libro converteuse nun día máxico coa presenza de Antonio García Teijeiro no noso cole. Tivemos a sorte de compartir con el unha bonita mañá na que non faltaron versos que se quedarán para sempre na nosa mochila das lembranzas. Non puido ser o curso pasado, pero este ano si, xa temos novo padriño (e menudo padriño) para a aula de 5º EP, que se suma, deste xeito, ao proxecto iniciado fai dous cursos con María Canosa como madriña de 6º EP. Grazas Antonio!!