O MUNDO DE OLIREI E MAIS EU

 

 Dentro das actividades de Galiciencia  o alumnado de segundo e cuarto de educación primaria descubriron a importante relación entre ciencia, tecnoloxía e investigación policial. Convertíronse en policías da unidade CSI e resolveron a misteriosa desaparición dunha tarta nun taller virtual impartido por David Ballesteros. Aquí podedes ver unha pequena mostra do que fixemos!

Nesta entrada mostramos as obras recreadas polos diferentes cursos. Cada curso traballou unha etapa histórica e recreou unha obra dela.  PREHISTORIA  O alumnado de 1º recreou as Venus de Willendorf. O alumnado de 2º traballou as pinturas rupestres e recreou "A COVAS DAS MANS". IDADE ANTIGA O alumnado de 4º fixo varias recreacións de obras dos "Celtas". O alumnado de 3º investigou sobre a arquitectura romana e centráronse no acueduto de Segovia. IDADE MEDIA O alumnado de 3 e 4 anos traballaron as vidrieiras pertencentes á arquitectura gótica. IDADE MODERNA O alumnado de 5º traballou O Greco e o cadro "O cabaleiro coa man no peito".  O alumnado de 6º traballou a Leonardo Da Vinci e o cadro "A Gioconda" IDADE CONTEMPORÁNEA O alumnado de 5 anos traballou o Guernica de Pablo Picasso cunha recreación empregando ceras.

  Esta semana foi o alumnado de 4º EP o que se converteu en equipo científico para experimentar a combinación ÁCIDO + SAL. Pero nesta ocasión, o medio ácido non foi vinagre senón REFRESCO DE COLA, que como puideron comprobar, está realizado con auga carbonatada, é dicir, con auga máis ácido carbónico. A maiores da auga carbonatada, no seu etiquetado puideron ler a presenza de AZUCRE e a cantidade do mesmo cada 100ml, así que soamente fixeron falta as matemáticas para saber o existente nunha botella de 500ml. Cantidade que representaron a través de terróns de azucre branco (5g cada un) e que resultou de asombro para todos e todas. O mesmo fixeron con outros produtos da industria alimentaria, como galletas, bolería industrial ou chocolate branco. E por que non é bo o azucre? Polo seu alto índice glucémico, é dicir, pola velocidade coa que fai aumentar os niveis de glucosa en sangue. A OMS (Organización Mundial da Saúde), recomenda non superar os 25g de azucre por día, no caso dos adu

Continuamos, desde a nosa biblioteca, experimentado como verdadeiros químicos e químicas e senón preguntádelle aos alumnos e alumnas de 1º, 2º e 3º de primaria.

 A actividade deste ano consistiu en elaborar murais sobre a vida e obra da homenaxeada este ano. O alumnado de 1º e 2º fixeron unha escolma fotográfica da súa vida. Elexiron as fotos e elaboraron un marco para colocalas no mural. O alumnado de 3º e 4º encargáronse da súa  biografía e os de 5º e 6º da súa obra. Todos os murais se expuxeron na porta de saída ao patio.  Tamén traballaron a poesía de vangarda, utilizando poemas de Xela Arias. No seguinte vídeo podedes ver algúns momentos do traballo realizado para a realización dos murais. O alumnado de 6º musicou un poema do libro "Darío a diario".

 

 

  Fai xusto hoxe dous anos, tivemos a sorte de contar coa presenza de María Canosa no noso centro para amadriñar a aula de sexto de primaria. Foi un día moi emotivo para todas e todos, no que nos deixou o seu legado para sempre. E como bos e boas amadriñados, por aquí temos ao alumnado de 6º EP desfrutando da lectura de “A cazadora de estrelas”, que a maiores lles fixo tamén pasar un bo rato de conexión, como podedes ver a continuación. A lectura que nunca nos falte… e a diversión tampouco!!