CON MIS PALABRAS

Para tal día coma hoxe, Día do libro (en confinamento), aquí vos deixamos unha historia contada en familia e para as familias.
Un bonito conto escrito por Cristina Tébar e con ilustracións de Mar Ferro.
Tal e como di a autora do libro, os conflitos forman parte das relacións, e no momento en que nenos e nenas comezan a relacionarse é normal que xordan.
O noso papel como adultos é observar e acompañar coa mínima intervención necesaria para permitirlles ir aprendendo a resolvelos dunha forma pacífica e respetuosa.
Ao principio teremos que intervir máis para facilitarlles ferramentas e recursos de comunicación non violenta pero pouco a pouco a nosa intervención deixará de ser necesaria.