O MUNDO DE OLIREI E MAIS EU

Hoxe conmemoramos o DÍA DE ROSALÍA no colexio. Nas clases estiveron coñecendo cousas da súa vida e traballaron fragmentos das súas obras. Na clase de 1º e 2º traballaron fragmentos dos poemas "Adeus ríos, adeus fontes" e " Imos bebendo" que recitaron acompañándoos coas ilustracións realizadas por eles/as.   Ademais disto, o Equipo de Dinamización da Lingua propuxo facer caligramas partindo do retrato de Rosalía. Aquí podedes ver algún dos traballos.

  "CÓNTAME A HISTORIA" Prehistoria e idades antiga, media, moderna e contemporánea fan chegada ao noso blog para acompañarnos ata finais de curso nesta viaxe que comenza coa investigación sobre as vivendas existentes en cada unha delas.  Desde a vivenda ata a forma de vida, pasando por aspectos como a arte, os inventos, a música e calquera outro que suscite curiosidade no alumnado, así será o noso percorrido neste proxecto de centro que ten como obxectivo final trazar unha completa liña do tempo da que todos e todas sexan partícipes. A VIVENDA INVESTIGANDO, RECREANDO...      COMPARTINDO COÑECEMENTOS... A PREHISTORIA_A VIVENDA    IDADE ANTIGA_A VIVENDA IDADE MEDIA_A VIVENDA IDADE MODERNA_A VIVENDA IDADE CONTEMPORÁNEA_A VIVENDA

Esta semana Naiara, Nerea e Iacob de 6º recibiron unha sorpresa! Hai uns meses participaron nun concurso de relatos chamado "Mi escuela ideal" para o que crearon un relato acompañado dun debuxo do que para eles sería unha escola ideal. Deixámosvos as obras destes compañeiros/as tan traballadores. Como agasallo recibiron un pen drive, unha axenda, un bolígrafo e un diploma! Noraboa por todo o traballo. Non esquezades que todo esforzo ten a súa recompensa!

Para conmemorar este día, o alumnado de 5º (E-DIXGAL) fixo un traballo de investigación sobre mulleres relacionadas coa ciencia. Elexiron á científica que lles pareceu máis interesante e fixeron un pequeno traballo con aspectos destacados acompañados con algún debuxo. Deixamos imaxes dos resultados.

  Como puidestes ver na entrada anterior, xa temos os nosos Escornabots. Estes aparellos ábrennos unha morea de posibilidades.  De feito, a unha delas démoslle forma esta mesma mañá.  Coñecedes a aplicación de Tik Tok ? É unha rede social na que a xente comparte vídeos. Como lle gusta taaaaaanto taaaaaaaanto aos nenos e nenas decidimos abrirlle un tik tok á nosa biblioteca. Alí estaremos subindo vídeos cos nosos robots. Aquí tedes a LORENZO! Se nos queredes seguir o noso usuario en Tik tok é @bibliorei GRAZAS A TODOS E TODAS!

Boas tardes a todos e todas! Hoxe traemos unha grande noticia. Damos comezo a unha nova era  pasamos a ser unha Biblio 3.0! E como é isto? Como sabedes este curso tivemos a sorte de ser seleccionados para participar no programa "Biblioteca creativa" que busca promover a cultura da experimentación, a creación e a investigación, en espazos creativos e cooperativos dentro das bibliotecas escolares. O primeiro que vos queremos ensinar é unha das cousiñas que máis interese causou en nós. A montaxe dos Escornabots. Hoxe tocoulle facelo ao grupo de 6º de primaria. Para facelo un pouquiño emocionante comezamos o obradoiro coa seguinte presentación: Your browser does not support the video tag. Coa axuda do titorial dimos forma ao noso escornabot: Velaquí o resultado final!

 Bos días outra vez! Vistes xa o vídeo dos desexos de Nadal do cole de Oliveira?  A verdade é que no cole temos un montón de artistas.   Hoxe pasamos por aquí para deixarvos o proceso de elaboración do Stop-Motion que fixo o grupo de 6º.  Comecemos polo principio... que é un Stop-motion? É unha técnica de animación que consiste en aparentar o movemento de obxectos estáticos mediante unha sucesión de fotos nun corto período de tempo. De feito para facer este vídeo necesitamos facer mais de 170! PASOS PARA A ELABORACIÓN DO STOP-MOTION:   1º Escollemos a idea para o vídeo e construimos unha cronoloxía. 2º Construímos as pezas necesarias para o escenario. Nós escollemos facer figuras con materiais como plastilina, limpapipas... 3º Unha vez que xa tivemos todo o material preparado e o escenario construído, pasamos á gravación! Tivemos que facelo con moito coidado, parecía mais sinxelo do que realmente era... E aquí tedes o resultado do vídeo!