Publicacións

"A AUGA É VIDA. COIDÉMOLA!"

Imaxe
Esta mañá púxose punto e case final ao PDI de centro, A auga é vida , iniciado co estudo e análise das enquisas que tan amablemente compartístedes as familias connosco e que dende entón pasou por estadísticas, experimentos, ditos, refráns, poesías, sendeirismo, saídas, investigacións, pescudas, lecturas e un longo etcétera. Filtros caseiros, economizadores de auga, inventos, solucións á rega nas vacacións e aproveitamento da auga da chuvia, entre outras, foron algunhas das experiencias compartidas entre todo o alumnado, nesta mañá de exposición, na que a todos e todas nos quedou claro que... A auga é vida. Coidémola!

ESTAMOS DE VOLTA!!

Imaxe
Estamos de volta!! E así, por todo o alto, entre pandeiretas, libros, historias e natureza, reabrimos as portas da nosa biblioteca, de man de Anxo Moure e a súa biciblioteca, cargada de historias que fixeron as marabillas entre nenos, nenas e profesorado.  Grazas a Yaiza, Sofía Fernández, Sofía Ocampo, Daniela Painceira e Xoel, por acompañarnos coa vosa música e grazas enormes a Anxo Moure por achegar historias repletas de natureza e paz ao noso alumnado. Lembra que sempre estaremos unidos por ese triángulo musical que moitas máis aventuras terá que contar!

ARTE EN EXPOANIMALARIUM

Imaxe
O alumnado de 6º EP foi o encargado da parte audiovisual da exposición final do PDI, pescudando os animais investigados (animais que sandan) en distintas manifestacións artísticas e poñendo voz ás montaxes realizadas.

EXPOANIMALARIUM

Imaxe
E ao fin chegou a tarefa final do PDI deste curso: EXPOANIMALARIUM. Unha exposición aberta a toda a comunidade educativa, na que o alumnado amosou e compartiu con compañeiros e compañeiras así coma con familiares, as aprendizaxes deste curso materializadas en traballos creativos, plásticos, visuais e audiovisuais, de narración oral e escrita e unha chea de cousas máis. Deixámosvos cunha pequena mostra da mañá tan bonita que vivimos.

CLUB DE LECTURA... INICIO E FIN

Imaxe
Alá polo mes de febreiro comezaba a súa andanza o noso CLUB DE LECTURA, con moitas expectativas de cara á nosa primerira lectura, Plan de rescate , de Antía Yáñez.  A maiores de cumprir ditas expectativas, conduciu ao alumnado do club a un pensamento crítico sobre temas como a diversidade ou o respecto entre pais e fillos/as e viceversa. No seo do club tamén se xestou algunha que outra sorpresa da que puidemos desfrutar conxuntamente. E chegou a quenda dunha lectura, que puxo fin á nosa andanza polo club,  Strawberry moon. La hija de la luna , de Laia López. Fixemos os nosos primeiros apaños co Croma para sembrar a curiosidade sobre o que podería versar. E xa por último, tras devorar a lectura e con ganas da segunda parte, o alumnado do club montou un booktrailer da historia... Será tal vez unha das vosas lecturas de verán? Tede coidado por onde nadades e co que vos atopades!!! Vémonos á volta!!!

RADIO COTO DO GATO: POEMAR O MAR

Imaxe
Desfrutando dos versos do seu padriño de aula, Antonio García Teijeiro, nenos e nenas de 5º EP recitáronos con moito sentimento e agarimo nun programa de radio especial adicado ao mesmo.

RADIO COTO DO GATO: AS TERAPIAS DA DOUTORA LEDICIA

Imaxe
A risa como terapia é a empregada pola doutora Ledicia cos seus e as súas particulares pacientes. Se non o credes, ou queredes pasar un bo anaco, escoitade a escena primeira desta divertida obra de teatro de Raquel Castro, nas voces do alumnado de 4º EP.