O MUNDO DE OLIREI E MAIS EU

E poñendo fin aos experimentos desenvolvidos ao longo deste curso, no espazo que abrangue a nosa participación como biblioteca creativa, chega o momento da despedida co FLUÍDO NON NEWTONIANO… Sólido e líquido á vez!!! Foi a quenda do alumnado de 5º e 6º de primaria, que non saía do seu asombro ao comprobar que en función da forza exercida, a mestura de auga e amidón de millo variaba de líquido a sólido. E vós, animádesvos a probar?

 

 

O venres puxemos punto e final ao proxecto de centro "Cóntame a historia", onde cada curso escenificou escenas da súa etapa. Podedes ver un vídeo coas representacións no enlace ( fai clic aquí )

 

 O pasado xoves, contamos cunha desas visitas especiais que, sen dúbida, formarán parte da mochila das lembranzas dos cativos. A aula de primeiro foi amadriñada por Paula Carballeira, escritora galega que nos agasallou non soamente coa súa presenza senón cunha chea de momentos para rir e desfrutar. Moitas grazas Paula!!! E por suposto, grazas tamén a Abraham Carreiro, ilustrador dos marabillosos retratos que forman parte deste bonito proxecto de amadriñamento e apadriñamento que con tanta ilusión puxemos en marcha nos últimos cursos.

 

E así arrincaba a mañá de hoxe, cunha María Canosa amable e sorrinte ao outro lado da pantalla, e uns alumnos de sexto cativados polas respostas que tan docemente deu a súa madriña de aula a cada unha das preguntas. Houbo tempo tamén para novidades das que nos fixo partícipes,  e é que acaba de ver a luz o seu último traballo, H2… Oh!!!    Impacientes estamos por telo na nosa biblioteca! E sabedes que? Enterámonos de que Bea Gregores, a ilustradora da súa primeira biografía, Emilia Pardo Bazán , ten entre os alumnos de sexto ao seu primo… Marabillosas coincidencias!! Coma sempre, un pracer. Mil grazas María!!   

AQUÍ VOS DEIXAMOS OS INVENTOS QUE ELEXIRON NAS DISTINTAS CLASES REFERIDOS Á SÚA ETAPA HISTÓRICA 3-4 anos: O MUÍÑO DE VENTO (Idade Media) 5 anos: O FOGUETE (Idade Contemporánea) COHETE 2º primaria: A LANZA (Prehistoria)                                                              4º primaria: XABÓN (Idade Antiga)                                                                                 5º primaria: O COMPÁS (Idade Moderna)